1-декабрда мыкты спортчуларды сыйлоо аземи өтөт

Жыл сайын уюштурулуп келген Sports Awards мыкты спортчуларды аныктоо жана сыйлоо аземи 1-декабрда Т. Сатылганов атындагы Кыргыз улуттук филармониясында өтөт. Бул тууралуу Маданият, маалымат, спорт жана жаштар саясаты министрлиги билдирди.

Айта кетсек, мыктыларды аныктап алуу үчүн жалпы элдик добуш берүү 14-ноябрда башталган. Ал эртең, 28-ноябрда аяктайт.

Добуш берүү topsport.kg сайтында, «Фейсбуктагы» Topsport.kg, «Инстаграмдагы» topsport_official баракчаларында жүрүп жатат.

Интернет сурамжылоо 10 номинация боюнча жүргүзүлүүдө. Элдик добуш берүү менен бирге ар бир номинация боюнча 5 адамдан турган эксперттик комиссия да өз баасын берет. Жеңүүчү эки тараптын упайларын кошуп саноо менен чыгарылат.

Leave A Reply

Your email address will not be published.

Яндекс.Метрика
koompress@yandex.ru