Баткен облусу боюнча 40 649 жаран эвакуацияланган

Өзгөчө кырдаалдар министрлигинин басма сөз кызматы Баткен облусунун аймактарында түзүлгөн кырдаалдан улам Баткен облусунун аймагында эвакуация иштери жүргүзүлгөнүн кабарлайт.

Бүгүнкү күндөгү маалымат боюнча, Баткен районунун Миң-Булак, Үч-Төбө, Таш-Тумшук, Көк-Таш, Ак-Сай, Көк-Терек, Орто-Боз, Самаркандек айылдарынан 14 361 жаран эвакуацияланып, Баткен шаары, Бужум, Чек, Жаңы-Жер, Ак-Турпак, Кара-Булак, Чоң-Кара, Рават айылына жайгаштырылган.

Лейлек районунан Борбордук, Интернационал, Арка, Саада, Максат, Достук айылдарынан 26 288 жаран эвакуацияланып, Сүлүктү, Исфана шаарларына, Кара-Булак, Коргон, Самат, Булак-Башы, Маргун, Кулуңду айылдарына жайгаштырылды.

Жалпы Баткен облусу боюнча 40649 жаран эвакуацияланган.

Эвакуацияга иштерине тартылагн күч каражаттар:

-КР ӨКМ–16 бирдик техника, 214 кызматкер;
-Автотранспорт кызматынан – 60 спринтер -60 кызматкер;
-Медицина кызматынан – 13 тез жардам автоунаасы- 35 медкызматкер.

Leave A Reply

Your email address will not be published.