Баткенде жарылбай калган снаряддар зыянсыздандырылууда

Бүгүн, 4-майда саат 09:30га карата кыргыз-тажик чек арасында абал туруктуу. Бул тууралуу Улуттук коопсуздук боюнча мамлекеттик комитетинин (УКМК) Чек ара кызматынан билдиришти.

Маалыматка ылайык, түндө чыр-чатак, ок атышуулар катталган жок.

“3-майдан бери Баткен районунун Актатыр айыл өкмөтүндөгү Орто-Боз айылында Коргоо министрлигинин саперлор тобу буга чейин жарылбай калган снаряддарды зыянсыздандыруу иштерин жүргүзүүдө. Буга байланыштуу Баткен облусунун чек ара аймактарында жашаган кыргызстандыктардан жарылуунун үнүн укканда дүрбөлөңгө түшпөөнү суранабыз”, – деп айтылат маалыматта.

УКМКнын Чек ара кызматынын Баткен облусуна жайгаштырылган бөлүктөрү жана түзүмдөрү күчөтүлгөн режимде кызмат өтөөнү улантууда.

Leave A Reply

Your email address will not be published.