Бийликти күч менен басып алууга аракет кылган 8 шектүүгө сот чечим чыгарды

Бишкек шаардык Биринчи май райондук соту бийликти басып алууга аракет кылууга шектелип кармалгандар камакка алуу чечимин чыгарды. Бул тууралуу соттун басма сөз кызматы билдирди.

Маалыматка ылайык, шектүүлөр Н.Сатынбеков, А.Мусакеев, К.Сатар уулу, Н.Калекеев, Р.Акматбеков, Б.Купешов, Н.Сүйөркулов жана Н.Большевиковго карата сотко чейинки өндүрүш аралыгында, башкача айтканда 2022-жылы 26-январь чейин ЖАМКнын №21 мекемесинде кармоо баш коргоо чарасы кабыл алынды.

Шектүү С.Сапарбековго карата 2021-жылдын 26-декабрына чейин камакка алуу түрүндөгү ЖАМК №21 мекемесине камакка алуу баш коргоо чарасы, ал эми Б.Жетигеновду 2022-жылы 26-январга чейин УКМКнын убактылуу кармоочу жайына камакка алуу чечими чыгарылды.

Эскерте кетсек, КР УКМК жана ИИМдин парламенттик шайлоодо коомдук коопсуздукту камсыздоо боюнча иштерди аткаруунун жүрүшүндө шайлоодон кийин өлкөдөгү коомдук-саясий абалды туруксуздантып, андан кийин бийликти күч менен басып алууну пландаштырып жаткандар кармалган.

Leave A Reply

Your email address will not be published.

Яндекс.Метрика
koompress@yandex.ru