Бир мандаттуу округдан талапкер болууну каалагандар 187ге жетти

Жогорку Кеңештин депутаттыгына бир мандаттуу округдан талапкер болуу ниетин билдиргендердин саны 187ге жетти. Бул тууралуу Борбордук шайлоо комиссиясы билдирди.

Талапкерлердин ичинен Сейит Атамбаевди «Социал-демократтар» саясий партиясы (№25 Аламүдүн округу), Алтынбек Сулайманов (№5 Ноокат округу) менен Алмаз Тарыкбаевди (№31 Чүй-Кемин округу) «Альянс» саясий партиясы көрсөтсө, калгандары өздөрүн өздөрү көрсөткөн.

Ошол эле учурда 70тен ашуун партия шайлоого катышуу ниетин билдирген.

Талапкерлерди каттоо 13-октябрда, ал эми документтерди кабыл алуу 18-октябрда аяктайт. Жогорку Кеңештин депутаттарын шайлоо 28-ноябрда өтөт.

Leave A Reply

Your email address will not be published.

Яндекс.Метрика
koompress@yandex.ru