Дашков убадалаган 1,5 млрд сомду төлөбөгөнү үчүн кармалды

“Кыргыз темир жолу” мамлекеттик ишканасынын экс-директору Василий Дашков кармалды. Бул тууралуу КР УКМКнын басма сөз кызматы билдирет.

Маалыматта айтылгандай, 2020-жылдын май айынан декабрь айына чейин товардык-материалдык баалуулуктарды жеткирүү үчүн акы төлөөгө жамынып, Дашков аффилирленген жеке компанияларга мыйзамсыз түрдө 1,1 млрд. сом которгон.

«Бишкек шаарынын Биринчи Май райондук соту келтирилген зыяндын ордун толтуруу шарты менен Василий Дашковго карата үй камагы түрүндөгү баш коргоо чарасын тандап алды. Бирок, ушул күнгө чейин аны кайтарып бере элек. Мындан тышкары, сотко чейинки өндүрүштүн алкагында «Кыргыз Темир Жолу» мамлекеттик ишканасынан бюджеттик каражаттарды алып салуу боюнча кошумча фактылар аныкталды. 2021-жылдын январынан апрелине чейин мамлекеттик ишканадан 490 миллион сомго жакын акча алынгандыгы аныкталды. Ошентип, келтирилген зыяндын жалпы суммасы болжол менен 1,5 млрд. Бир күн мурун Дашков кармалып, УКМКнын убактылуу кармоочу жайына киргизилген», – деп айтылат УКМКнын маалыматында.

Белгилей кетсек, буга чейин УКМК “Кыргыз темир жолундагы” коррупциялык схема аныктаган.

Leave A Reply

Your email address will not be published.