Даттануулардан кийин онкологиялык клиниканын жетекчилигине кылмыш иши козголду

Өзбекстанда Республикалык онкология жана радиология илимий-практикалык борбордун Ташкенттеги филиалынын жетекчилерине карата кылмыш иши козголду. Бул тууралуу өлкөнүн Башкы прокуратурасы билдирди.

Маалыматка караганда, мекеме жетекчилери «Кызмат абалын кыянат пайдалануу менен акча уурдоо же коромжуга учуратуу» беренеси боюнча айыпталууда.

Буга чейин социалдык түйүндөргө аталган мекемеде иштеген дарыгерлер тобунун видеокайрылуусу жарыяланган. Алар каражаттын тартыштыгынан улам айрым бейтаптар өз учурунда хирургиялык жардам албай калышканын айтышкан. Мындан тышкары кайрылууда мамлекет тарабынан берилген кымбат жана сейрек кездешүүчү дарылардын көбү бейтаптарга берилбегени, алардын ордуна борбордун ички дарыканасында даярдалган башка препараттар колдонулганы белгиленген.

Leave A Reply

Your email address will not be published.