“Фейсбуктан бошобойсуңар”. Депутат вице-мэрди сынга алды

Бүгүн, 10-июнда Жогорку Кеӊештин жыйынында депутат Мирлан Жээнчороев Бишкектин вице-мэри Жамалбек Ырсалиевди сындады.

Депутат “Коопсуз шаарда” бишкек шаарынын мэриясынын миссиясы эмне?” деп сурады.

Вице-мэр Жамалбек Ырсалиев: “Биздин негизги миссиябыз жол чийиндерин чийип беребиз, мамыларга коюуга уруксат беребиз. Ижара акысы бизге төлөнөт. Жалпы жонунан айып пулдан түшкөн каражаттын 25 пайызы мэриянын бюджетине түшөт”, – деди.

Жээнчороев: “Канча чарчы орун берилди. Ижарага канчадан берилди”, – деп сурады.

Ырсалиев “Вега” компаниясына 38 даана берилгенин айтты.

Депутат: “Мен мэриядан так маалымат алгам, сизде маалымат жок экен, даярданып келишиӊиз керек болчу. Бул Фейсбукта ар нерсе жазуу эмес да. Туура эмес иштерди көрсөтүү үчүн сизди чакырып, бир ай күттүм, келген жоксуз. Фейсбуктан бошобой койдуӊуз. Өзүӊүздүн жумушуӊузга жоопкерчиликтүү мамиле жасаӊыз”, – деди.

Leave A Reply

Your email address will not be published.