Индияда ата-энеси уулун балалуу болбогону үчүн сотко берди

Индиялык улгайган жубайлар уулу менен келинин бир жылдын ичинде балалуу болбосо компенсация төлөп берүү талабы менен сотко берди. Бул тууралуу чет элдик басылмалар жазып чыгышты.

Маалыматка ылайык, улгайган жубайлар Индиянын Уттаракханд штатындагы Харидвар шаардык сотуна арыз менен кайрылышкан. Алар келини менен уулу бир жылдын ичинде балалуу болбосо, 50 миллион рупий (53 жарым миллион сом) өлчөмүндө компенсация талап кылышкан. “Биздин уулубуздун үйлөнгөнүнө алты жыл болду. Бирок алар дагы эле балалуу болууну пландабай жатышат. Биз неберебиз менен убакыт өткөргүбүз келет”, – деген улгайган жубайлар.

Жубайлар талап кылган компенсацияга беш жылдыздуу мейманканада үйлөнүү үлпөтүн өткөрүүгө кеткен чыгымдар, баасы 6 миллион рупийден ашкан кымбат баалуу унаа, ошондой эле жубайлардын Таиланддагы бал айынын акысы кирет.

Leave A Reply

Your email address will not be published.

Яндекс.Метрика
koompress@yandex.ru