Корея Кыргызстанга коронавируска каршы 50 миң доллар бөлөт

Корея Кыргызстанга коронавируска каршы 50 миң доллар акча каражатын бөлөт. Бул тууралуу Кореянын КРдагы элчилигинин басма сөз кызматы билдирди.

Маалыматка ылайык, Корея өкмөтү ыкчам түрдө Кореянын эл аралык кызматташуу агенттиги аркылуу каражат бөлмөкчү.

“Кыргызстанда коронавирустун жугуу учурлары көбөйүп жаткандыгын жана медициналык жабдыктардын жетишсиз экендигин эске алып, Корея Республикасынын өкмөтү KOICA аркылуу ыкчам түрдө жардам көрсөтүү чечимин кабыл алды”, – деп айтылат маалыматта.

Бул каражат 600 даана бир жолку колдонуучу коргоочу кийимдерди, 1000 даана беткап, 500 даана N95 респиратордук беткап, медициналык көз айнектерди жана колкап алууга жумшалат.

Leave A Reply

Your email address will not be published.

Яндекс.Метрика
koompress@yandex.ru