народный

Кыргыз-казак чек арасындагы тыгындын себеби айтылды

Бүгүн, 12-январда кыргыз — казак чек арасынын «Ак-Тилек — Автожол» көзөмөл өткөрүү бекетинде 140дан ашуун жүк ташуучу унаа кезек күтүп турат. Бул тууралуу аталган көзөмөл өткөрмө бекетинин башчысынын орун басары Кубан Телтаев билдирди.

«Жүк ташуучу унаалардын узун кезегине жаңы жылдык майрамдан кийин коңшу өлкөгө жүк ташуучулардын көбөйгөнү жана инспектордук текшерүү комплекси себеп болгон. Бир сутка ичинде Казакстанга 156 жүк ташуучу унаа өтсө, Кыргызтанга 106 транспорт кирди. Саатына 5-6 унаа өтүп жатат. Казакстан тараптан башка чектөөлөр болгон жок. Өлкөдө көзөмөл өткөрүү бекеттери штаттык режимде иштеп жатат»,-деп билдирди Телтаев.

Leave A Reply

Your email address will not be published.

Яндекс.Метрика
koompress@yandex.ru