Кытай Кыргызстанга гуманитардык жардам көрсөттү

Коронавирус илдетинин алдын алуу максатында Кытай Кыргызстанга гуманитардык жардам көрсөттү. Бул тууралуу Республикалык штабдан билдиришти.

Маалыматка ылайык, коңшу мамлекеттин жардамын, кечээ, 25-мартта “Торугарт” чек ара көзөмөл-өткөрүү бекетинде өкмөттүн Нарын облусундагы өкүлү Эмилбек Алымкулов кабыл алган.

“Гуманитардык жардамды Кытайдын Кызыл-Суу кыргыз автономдук облусунун губернаторунун орун басары Ван Шин Ганг тапшырып, кыргыз элинин бул ооруну тезирээк жеңип чыгуусун тилек кылды”, – деп айтылат маалыматта.

Кытайдан дарыгерлер үчүн 10 миң даана респиратордук беткап, 100 миң даана бир жолу колдонулуучу беткап, ошондой эле 1 миң даана коргонуучу кийим келди.

Мындан сырткары, 10 миң даана беткапты Кытайдын Кыргызстандагы элчилигине тапшырышкандыгы кабарланды.

Leave A Reply

Your email address will not be published.

Яндекс.Метрика
koompress@yandex.ru