Доктурларга жардам. «Мекеним» улуттук кыймылы коронавирус менен алдыңкы сапта күрөшүп жана көрүнбөгөн коркунуч менен күн сайын беттешип жаткандарга колдоо көрсөттү. ⠀ ⠀


Бүгүн «Мекеним» кыймылынын активисттери Ош облустук ооруканасына эки дезинфекциялык тоннелди тапшырды. Волонтерлор даярдаган бул жабдуулар кооптуу оорунун жаңы очокторунун пайда болушунун алдын алуу үчүн зарыл. Бул тууралуу аталган кыймылдан билдиришти.

Эми дарылоо мекемесинин аймагына кирип чыккан кишилердин бардыгы, атайын антисептикалык аэрозолдор менен зыянсыздандыруудан өткөрүлөт.
Дезинфекциялык өткөөлдөн вируска каршы атайын аэрозолдор чачылат. ⠀

Алар сырт кийим, баш кийим, бут кийимдеги, чачтагы жана теринин ачык жерлериндеги кооптуу бактериялар менен оору козгогучтарды жок кылат. Зыянсыздандыруу бир нече секунд аралыгында жүргүзүлөт. ⠀

Ошондой эле, активисттер облустук ооруканага 3500 беткап, көп жолу колдонулуучу 200 даана коргоочу комбинезон, дарыгерлер операцияда кие турган 40 атайын форма комплектисин өткөрүп беришти. Бул костюмдар Санкт-Петербургдан буйрутма менен алынган. Ар бир костюм 13 кошумча бөлүктөн турат (бахила менен фартуктан, респиратор менен көз айнекке чейин). Бул комлектилер вирустан коргонуунун жогорку класс сапатына ээ. ⠀

Жүктү өткөрүп берүү иш-чарасына катышкан «Мекеним» кыймылынын окүлдөрү, эпидемияны токтотуу үчүн зор күч-аракеттерди жумшап жаткан медицина кызматкерлерине ыраазылык билдиришти. ⠀

«Мекеним» кыймылынын активисттери чын жүрөктөн жарандык милдетин аткарып жатышканын баса белгилешет жана кайдыгер эмес жарандарды уюмга кошулууга чакырат.

“Биз бириксек бардык кыйынчылыктарды жеңе алабыз!
Бирге чогулуу – бул башталыш! Бирге калуу – өнүгүү! Бирге иштешүү – бул ийгилик!”-деп кошумчаланат маалыматта.

Leave A Reply

Your email address will not be published.

Яндекс.Метрика
koompress@yandex.ru