Мурдагы премьер-министрдин ачкачылык жарыялаганы калп

Мурдагы өкмөт башчы Мухаммедкалый Абылгазиев УКМКнын тергөө абагында ачкачылык жарыялады деген маалымат чындыкка дал келбейт. Бул тууралуу жергиликтүү басылмаларга анын жактоочусу Данияр Эркимбаев билдирди.

Анын айтымында, мурдагы премьер министр менен жума күнү, 19-февралда жолуккан. Ал кармоо шарттары жана кыйноо тууралуу эч кандай арыз-мүңун айткан эмес.

Буга чейин, ЖМКда Абылгазиев ачкачылык жарыялады деген маалымат тараган болчу.

  • Чиновник УКМК тарабынан 26-январда кармалган. Ага мамлекеттик кызматтарда иштеп жүрүп, мыйзамсыз байыган деген айып тагылууда.
  • Абылгазиев сот чечими менен УКМКнын СИЗОсунда эки айга камалган. Ал 26-мартка чейин камакта болот.

Leave A Reply

Your email address will not be published.