Назарбаевдин кызынын соцтармактагы баракчалары ачылбай калды

13-январь күнү кечинде Казакстандын мурдагы президенти Нурсултан Назарбаевдин кичүү кызы Алия Назарбаеванын Facebook жана Instagram социалдык түйүндөрүндөгү баракчалары жок болуп кетти.

Буга чейин Назарбаева ал баракчаларына кан төгүү менен аяктаган Казакстандагы жапырт нааразылыктар тууралуу алгачкы жолу пикирин жазган.

Назарбаеванын билдирүүсүнүн алдына колдонуучулардын көбү терс маанайдагы комментарийлерди калтырышкан.

13-январда Алия Назарбаева социалдык тармактарга кан төгүү менен коштолгон Казакстандагы акцияларга алгачкы жолу комментарий берген. Ал курман болгондордун жакындарына көңүл айтып, бул окуялардан сабак алуу керектигин жазган. «Атасына аймактардын жашоочуларынан маалыматтар түшүп жатканын» кошумчалап, Элбашыга «көргөзүлгөн колдоо үчүн ыраазычылыгын» билдирген.

Кийинчерээк Telegram’дагы Qumash каналы Алия Назарбаева Казакстандагы окуялар тууралуу билдирүүсү жарыяланган аккаунтуна Бириккен Араб Эмираттарынан киргенин кабарлады.

Leave A Reply

Your email address will not be published.

Яндекс.Метрика
koompress@yandex.ru