Мальтада каза болгон Кыргызстандын жаранынын сөөгү мекенине кайтарылат
12.01.26 | 12:51
Мальтадагы Сент-Джордж булуңунун аймагында каза болгон Кыргызстандын жаранынын сөөгү мекенине кайтарылат. Бул тууралуу Тышкы иштер министрлиги билдирди.
Кыргыз Республикасынын Италиядагы элчилиги Кыргызстандын жараны каза болгондугу тууралуу расмий маалымат алгандан кийин Мальтанын компетенттүү органдары менен дароо байланыш түзүп, ошондой эле анын аймагында жашаган мекендештердин жардамы менен иш алып барууда.
Учурда, Кыргызстандын Италиядагы элчилиги маркумдун сөөгүн мекенине кайтаруу маселелери боюнча ишти улантуу менен бирге, ар тараптуу консулдук жардам көрсөтүп, бардык зарыл болгон жол-жоболорду колдоону камсыз кылууда, ошондой эле маркумдун туугандары менен түз жана үзгүлтүксүз байланыш уюштурулду.
Редактор
Редактор
Поделиться: