Франциянын парламенти балдар үчүн социалдык тармактарды тыюу салууну колдоду
Францияда 15 жашка чейинки өспүрүмдөр үчүн социалдык тармактарды колдонууга тыюу салган мыйзам долбоору биринчи окууда кабыл алынды. Бул тууралуу Figaro гезити маалымдады. Мыйзам долбооруна депутаттардын 116сы колдоп, 23 депутат каршы добуш берди.
Мыйзам долбоору президенттик партиянын депутаты тарабынан сунушталган жана анын максаты – балдардын психикалык ден соолугун коргоо, ошондой эле социалдык тармактардын терс таасирин азайтуу. Мыйзамда жаш куракка байланыштуу чектөөлөрдөн тышкары, өлкөнүн жогорку мектептеринде мобилдик телефондорду колдонууга тыюу салуу да каралган.
Франциянын президенти Эммануэль Макрон бул мыйзам долбоорун колдоп, анын илимпоздордун сунуштарына жана жарандардын көпчүлүгүнүн күтүүлөрүнө жооп берерин белгиледи. Мыйзам долбоору эми Сенатта каралат, эгер ал жакта да кабыл алынса, мыйзам 2026-жылдын 1-сентябрынан тарта күчүнө кириши мүмкүн.
Социалдык тармактардын жаш өспүрүмдөргө тийгизген таасири тууралуу көптөгөн изилдөөлөр жүргүзүлгөн. Алардын натыйжасында, интернетте көп убакыт өткөрүү балдардын психологиясына терс таасир этери, депрессия жана башка психикалык ооруларды пайда кылышы мүмкүн экени белгиленген. Ошондуктан, мындай мыйзамдардын кабыл алынышы коомчулукта кеңири талкууланууда.