Бишкекте дарыгерлер татаал төрөттү ийгиликтүү өткөрүп, үч эм төрөлдү
22.04.26 | 18:19
Бишкек шаарында дарыгерлер татаал төрөттү ийгиликтүү өткөрүп, үч эм жарык дүйнөгө келди.
Медициналык мекеменин маалыматына ылайык, 35 жаштагы аял март айынын аягында кош бойлуулуктун 31-жумасында ооруканага жаткырылган. Ага оор преэклампсия, мурдагы кесарево операциясынан калган жатын тыртыгы жана башка кошумча коркунучтар аныкталган.
Бүгүн дарыгерлер пландуу кесарево операциясын жүргүзүшүп, эки мүнөттүн ичинде үч уул төрөлдү. Ымыркайлар саат 11:46, 11:47 жана 11:48де жарык дүйнөгө келишкен.
Учурда жаңы төрөлгөн ымыркайлар жандандыруу бөлүмүндө дарыгерлердин көзөмөлүндө. Алардын абалы туруктуу деп бааланып, керектүү дем алдыруу жардамдары көрсөтүлүүдө.
Редактор
Редактор
Поделиться: