Бишкекте Ибраимов көчөсүндөгү көп кабаттуу үйдөн аял киши кулап, набыт болду
18.11.26 | 09:09
Свердлов РИИБине 17-ноябрда ошол эле күнү Ибраимов көчөсүндөгү бийик кабаттуу үйлөрдүн биринен аял кулагандыгы тууралуу билдирүү түштү.
Ал тез жардам келгенге чейин алган жаракатынан улам көз жумган.
Свердлов РИИБинин басма сөз кызматы билдиргендей, туугандары аялда акыл-саламаттыгы боюнча көйгөйлөрү болгонун маалымдаган.
Бул факт катталып, андан кийин териштирүү алдындагы текшерүү башталды. Анын алкагында зарыл болгон сот экспертизалары дайындалды.
Учурда текшерүү жүргүзүлүүдө, анын жыйынтыгы боюнча КРдин мыйзамдарына ылайык тийиштүү процесстик чечим кабыл алынат.
Редактор
Редактор
Поделиться: