Жарнама

Бишкекте чет өлкөлүк жарандар кармалды

18.11.26 | 09:14
Бишкекте чет өлкөлүк жарандар кармалды КООМ ПРЕСС - Кыргызстан жаңылыктары, Жаңылыктар, Кабарлар, Окуялар, Бишкектин жаңылыктары, Күндүн жаңылыктары

Бишкекте мыйзамсыз каржы операцияларын жүргүзүү үчүн уюлдук телефондорду пайдаланган схема аныкталды.

Ички иштер министрлигинин Кылмыш иликтөө башкы башкармалыгына чет өлкөлүк жарандардын тобу Бишкек шаарынын аймагында маалыматтык-коммуникациялык технологияларды жана интернетти колдонуу менен алдамчылык аракеттерине катыштыгы болушу мүмкүн экендиги тууралуу ыкчам маалымат түшкөн.

Алынган маалыматтарды текшерүү үчүн ыкчам кызматкерлер жогорудагы кылмышка тиешеси бар адамдарды, жабырлануучуларды, ошондой эле мыйзамсыз аракеттерди жасоонун ыкмаларын аныктоого багытталган бир катар иш-чараларды жүргүзүшкөн.

Ыкчам-издөө иш-чараларынын натыйжасында чет мамлекеттин төрт жараны аныкталган. Алар: 2004-жылы туулган А.К. жана Л.Н., 2003-жылы туулган Ж.С. жана 2010-жылы туулган А.З.

Аталган факты боюнча ИИМдин Тергөө кызматы тарабынан Кыргыз Республикасынын Кылмыш-жаза кодексинин 262-беренесинин 2-бөлүгү (кылмыштуу коомдоштукту түзүү же ага катышуу) боюнча кылмыш иши козголгон.

Алдын ала маалыматтар боюнча, шектүүлөр онлайн-платформалардын бирин колдонуу менен Кыргызстандын аймагында коңшу мамлекеттин жарандарына багытталган төлөмдөрдү мыйзамсыз иштетүү схемасын уюштурушкан.

Такталгандай, 2026-жылдын сентябрь айынын аягында аталган топтун мүчөлөрү Кыргызстанга келишкен. Өздөрүнүн ишмердүүлүгүн камсыздоо максатында алар уюлдук телефондорду сатып алышкан. Сатып алынган уюлдук телефондорго чет өлкөлүк банктардын биринин мобилдик тиркемеси орнотулуп, алар банк карталарын туташтыруу жана каржы операцияларын жүргүзүү үчүн техникалык терминал катары колдонулган.

Топтун ишмердүүлүгү мыйзамсыз онлайн кумар оюндарын (тактап айтканда, Gambling-трафик) уюштуруу жана өткөрүү менен байланышкан төлөм трафигин иштетүүдөн турган. Уюлдук телефондор жана банктык тиркемелер аркылуу интернет-казинонун катышуучуларынан акча кабыл алынып, ошондой эле утуштар төлөнүп турган. Натыйжада шектүүлөр мыйзамсыз төлөм каналын камсыздап келишкен.

Ыкчам-издөө иш-чараларынын жүрүшүндө шектүүлөрдүн убактылуу жашаган жери аныкталган. Бишкек шаарындагы Москва көчөсүндө жайгашкан батирлердин биринде тинтүү жүргүзүлүп, анын натыйжасында 22 уюлдук телефон жана үч даана компьютердик техника табылып, алынган.

Жыйынтыгында шектүүлөр кармалып, тиешелүү тергөө амалдарын жүргүзүү үчүн ИИМдин Тергөө кызматына жеткирилген.

Кийинчерээк шектүүлөрдүн бири А.К. кылмыш ишти токтотууга жана кылмыш жоопкерчилигинен бошотууга көмөктөшүү үчүн милиция кызматкерлерине сый акы сунуштаган.

Бул факты боюнча Кыргыз Республикасынын Кылмыш-жаза кодексинин 345-беренесинде (пара берүү) каралган кылмыштын белгилери менен өзүнчө кылмыш иши козголгон.

Учурда тергөө иштери уланууда.

Редактор
Редактор
Поделиться:
Жарнама
© Koom Press 2026
Соңку кабарлар
Коом
Саясат
Экономика
Дүйнөдө
Атайын долбоорлор
Сурамжылоо
Биз жөнүндө
Байланыштар
Вакансия
Купуялык саясаты
Бардык суроолор боюнча