Жарнама

Орусияда 2027-жылдан баштап кирешеси аз мигранттардын патенти жокко чыгарылат

18.11.26 | 18:37
Орусияда 2027-жылдан баштап кирешеси аз мигранттардын патенти жокко чыгарылат КООМ ПРЕСС - Кыргызстан жаңылыктары, Жаңылыктар, Кабарлар, Окуялар, Бишкектин жаңылыктары, Күндүн жаңылыктары

Орусияда 2027-жылдын 1-январынан тарта кирешеси тууралуу маалыматы жок чет өлкөлүк жарандарга иштөөгө патент же уруксат берилбейт.

Мурда берилген документтер да жокко чыгарылышы мүмкүн. Бул тууралуу ТАСС агенттиги Орусиянын Ички иштер министрлигинин миграция кызматына таянып кабарлады.

Жаңы талапка ылайык, мигранттын кирешеси тууралуу маалымат мамлекеттик органдардын базасында болушу керек. Кеп эмгек акы жана башка төлөмдөр жөнүндө болуп жатат.

2026-жылдын октябрынан тарта Орусиянын салык органдары чет өлкөлүк жарандардын үч, алты, тогуз жана 12 ай ичиндеги кирешеси тууралуу маалыматты Ички иштер министрлигине автоматтык түрдө өткөрүп бере баштаган.

Ал эми Пенсиялык жана социалдык камсыздандыруу фонду мигранттардын эмгек ишмердүүлүгү тууралуу маалымат жөнөтөт.

Мигранттардын кирешесин көзөмөлдөөнүн жаңы тартиби 2026-жылдын жайында Мамлекеттик Дума кабыл алган мыйзамдык өзгөртүүлөрдө каралган.

Ага ылайык, эмгек мигрантынын кирешеси өзүнө жана анын багуусундагы ар бир үй-бүлө мүчөсүнө эсептелген жашоо минимумунан төмөн болсо, анын патенти жокко чыгарылат.

Жаңы эрежелер мигранттардын балдарына да тиешелүү.

Патент менен иштеген чет өлкөлүк жарандардын балдары 18 жашка толгондон кийин Орусиядан чыгып кетүүгө же 30 күндүн ичинде өздөрүнө патент алууга тийиш.

Ал эми Орусияда иштөөгө жана жашоого тиешелүү уруксаты бар мигранттардын жашы жете элек балдары өлкөдө калуу укугун сактап калат.

2027-жылдан тарта Орусияда мигранттардын мыйзамдуу кирешеси, эмгек ишмердүүлүгү жана үй-бүлө мүчөлөрүн багууга жетиштүү каражаты бар-жогу катуу көзөмөлгө алынат.

Редактор
Редактор
Поделиться:
Жарнама
© Koom Press 2026
Соңку кабарлар
Коом
Саясат
Экономика
Дүйнөдө
Атайын долбоорлор
Сурамжылоо
Биз жөнүндө
Байланыштар
Вакансия
Купуялык саясаты
Бардык суроолор боюнча