Жалал-Абадда 64 жаранга мыйзамсыз пенсия чегерилген
19.11.26 | 16:19
Жалал-Абад психиатриялык аймактык райондор аралык медициналык-социалдык эксперттик комиссиясынын (МСЭК) ишмердүүлүгүндө мыйзам бузуу аныкталды. Бул тууралуу Башкы прокуратуранын басма сөз кызматы билдирди.
Маалымат боюнча, жооптуу кызмат адамдары медициналык-социалдык экспертизаларды жүргүзбөстөн, «МСЭК ИС» маалыматтык системасында жасалма маалым каттарды түзгөн. Алардын негизинде 2025–2026-жылдары 64 жарандын пенсиясы мыйзамсыз дайындалып, мамлекетке 4 млн сомдой зыян келтирилген.
Аталган факт боюнча Кылмыш-жаза кодексинин 337-беренеси (кызмат абалынан кыянаттык менен пайдалануу) менен кылмыш иши козголду.
Учурда териштирүү иш-аракеттери жүргүзүлүүдө.
Редактор
Редактор
Поделиться: