"ЭлКат" Кыргызстанга эл аралык интернет-трафикти жеткирчү жалгыз оператор болот
20.11.26 | 14:00
"ЭлКат" мамлекеттик компаниясы Кыргызстанга эл аралык интернет-трафикти жеткирүүчү жалгыз оператор болот. Тиешелүү токтомду министрлер кабинети кабыл алды.
Маалыматка караганда, аталган компанияга бул багытта мөөнөтсүз өзгөчө укук берилет.
"Башка интернет-провайдерлерге эл аралык байланыш каналдары боюнча келишимдерин "ЭлКатка“ өткөрүп, интернет-трафикти анын инфраструктурасы аркылуу гана алуу сунушталды", — деп айтылат токтомдо.
Бул үчүн аларга токтом күчүнө киргенден кийин 60 күн убакыт берилмекчи.
Мындай чечим өлкөнүн санариптик эгемендүүлүгүн бекемдөө, эл аралык маалымат агымдарына мамлекеттик көзөмөлдү күчөтүү жана улуттук коопсуздукту камсыздоо максатында кабыл алынган.
Редактор
Редактор
Поделиться: