Ошто 52 жаштагы жаранды өлтүргөн шектүүлөр кармалды

Дайынсыз жоголгон Араван районунун тургуну 1969-жылы туулган Ю.К., аттуу жаран киши колдуу болуп өлтүрүлгөндүгү аныкталып, шектүүлөр кармалды. Бул тууралуу Ош ОИИБдин басма сөз кызматы билдирди.

Маалыматка ылайык, 29-ноябрь күнү ыкчам тергөөнүн жүрүшүндө Араван районунун тургундары 34 жаштагы А.Б., 28 жаштагы Ш.О., жана 27 жаштагы Р.Ф., аттуу жарандар өлтүргөндүгү аныкталып, сотко чейинки өндүрүш иши козголуп, тергөө башталган.

Аталган факт Араван РИИБнин Кылмыштардын жана жоруктардын бирдиктүү реестрине катталып, Жазык Кодексинин 130-беренесинде (Киши өлтүрүү) каралган кылмыштын белгилери менен сотко чейинки өндүрүш иши ачылып, тиешелүү экспертизалар дайындалып, шектүүлөр убактылуу кармоочу жайга киргизилген.

Мындай окуянын чыгуу себеби маркум менен кылмышка шектүүлөрдүн ортосунда аласа-бересе болгондуктан талаш-тартыштар улам уруша кетип аягы өкүнүчтүү окуя менен аяктаган тергөөнүн жүрүшүндө белгилүү болду.

Учурда кылмышка шектүү жарандардын башка кылмышка катыштыгы бар же жок экендигин аныктоо боюнча да ыкчам иш-чаралар жүргүзүлүүдө.

Leave A Reply

Your email address will not be published.

Яндекс.Метрика
koompress@yandex.ru