Партиянын өкүлдөрү добуш сатып алууга шектелип кармалды

Ош шаарынан «Ыйман Нуру» партиясынын эки өкүлү добуш сатып алууга шектелип кармалды. Бул тууралуу шаардык ички иштер башкармалыгы билдирди.

Келип түшкөн маалыматтын негизинде текшерүү жүргүзгөн шаардык милиция кызматкерлери «Ыйман Нуру» саясий партиясынын өкүлдөрү добуш сатып алуу үчүн акча таратканы аныкталган. Факт Кылмыштардын жана жоруктардын бирдиктүү реестрине Жазык кодексинин 192-беренеси (шайлоочунун добушун сатып алуу) менен катталып, андан аркы иликтөө иштери башталган.

Ыкчам иликтөөнүн натыйжасында Ош шаарындагы Автозаводская көчөсүнүн 39 жаштагы тургуну М.И. кармалып, суракта «Ыйман Нуру» саясий партиясына үгүтчү экенин, 22-ноябрда Алмагүл аттуу штаб башчысынан 40 миң сом алып, аны добуш сатып алуу үчүн Латипжанов көчөсүнүн тургундарына таратып берип жаткан учурда кармалганын моюндаган.

Кармалган жарандар М.И. жана Т.Д. Ош шаардык ички иштер башкармалыгынын убактылуу кармоочу жайына камакка алынды. Учурда тергөө жүрүп жатат.

Leave A Reply

Your email address will not be published.

Яндекс.Метрика
koompress@yandex.ru