Президент Садыр Жапаров Анкара шаарына барды

Президент Садыр Жапаров бүгүн, 9-июнда расмий иш сапары менен Түркиянын борбору — Анкара шаарына барды. Бул тууралуу президенттин басма сөз кызматы билдирди.

Мамлекет башчысынын учагы «Эсенбога» эл аралык аэропортуна конуп, Садыр Жапаровду траптан Түркия Республикасынын маданият жана туризм министри Мехмет Нури Эрсой тосуп алды.

Эл аралык аэропорттун флагштокторунда Кыргызстан менен Түркиянын мамлекеттик туулары илинген, килемчелер төшөлүп, ардактуу кароолдун ротасы тизилди.

Иш сапарынын алкагында мамлекет башчысы Түркиянын президенти Режеп Тайып Эрдоган менен эки тараптуу сүйлөшүүлөрдү жүргүзөт, Түркиянын Улуу улуттук жыйынынын төрагасы Мустафа Шентоп менен жолугушат жана эки өлкөнүн бизнес форумуна катышат. Ошондой эле Анкарада иштеп жүргөн мекендештер жана окуп жаткан студенттер менен баарлашат.

Leave A Reply

Your email address will not be published.