Сапар Исаков мамлекеттер аралык издөөгө алынды

Мурунку премьер-министр Сапар Исаков мамлекеттер аралык издөөгө алынды.  Бул тууралуу Жазаларды аткаруу мамлекеттик кызматы  билдирди.

 Бишкек шаарынын экс-мэри Албек Ибраимов дагы издөөгө алынгандыгы такталды.  Жазадан качуу фактысы боюнча кылмыш иши мурда козголгон.

 Эскерте кетсек, парламенттик шайлоодон кийин баш калаада башаламандык болгон.  5-6-октябрга караган түнү митингчилер «Ак үйдү» басып алышып, өрттөп жиберишти.  Ошол эле түнү экс-президент Алмазбек Атамбаев, Кой-Таш айылындагы окуялар боюнча тергөө жүрүп жаткандар, экс-премьер-министр Сапар Исаков жана парламенттин мурдагы депутаты Равшан Дженбеков түрмөдөн бошотулушту.  Мындан тышкары, ошол эле түнү парламент депутаттары тарабынан жактырылган премьер-министр Садыр Жапаров колониядан бошотулду.  «Үй-бүлөлүк себептерден улам жети күнгө» деген жазуу менен бошотулган Сапар Исаков менен Албек Ибраимов Жаза аткаруу мамлекеттик кызматына 13-октябрда келиши керек болчу.

Leave A Reply

Your email address will not be published.

Яндекс.Метрика
koompress@yandex.ru