народный

Улуу Британиянын премьер-министри Борис Джонсондун абалы оордоп реанимация бөлүмүнө которулду

Улуу Британиянын премьер-министри  Борис Джонсондун, коронавирустун айынан абалы оордоп кеткендигине байланыштуу, аны Лондондун Сент-Томас ооруканасынын реанимация бөлүмүнө которушту. Бул туурасында чет элдик басылмалар жазып чыкты.

Коронавирус инфекциясы менен  жабырланганына 10 күн болгон 55 жаштагы Джонсон жекшемби күнү  Лондондун Сент-Томас ооруканасына жаткырылган болчу.

«Бүгүн түштөн кийин премьер-министрдин абалы оордоп кеткендигине байланыштуу, аны дарылап атышкан врачтардын кеңеши менен, ал оорукананын ренимация жана интенсивдүү   терапия бөлүмүнө  которулду», — деп айтылган маалыматта.

Джонсондун өтүнүчү менен «эгер зарылчылык болсо» анын  премьердик постун тышкы иштер министри Доминик Рааб ээлеп турат, деп билдирди премьердин пресс-катчысы. 

Leave A Reply

Your email address will not be published.

Яндекс.Метрика
koompress@yandex.ru