Жанар Акаев: Биз БШКдан иштебей калганы боюнча так түшүндүрмө берүүнү талап кылабыз

“Альянс” партиясынан талапкер Жанар Акаев парламенттик шайлоонун алдын ала жыйынтыгын жарыялоодо сайтка чыкпай калганы боюнча БШКдан түшүндүрмө күтүп жатканын социалдык тармакка жазды.

“Мен кырдаалды тактагым келет” деп жазган ал. – 28-ноябрь күнү кечинде алдын ала жыйынтык боюнча 10 партия шайлоонун босогосун аттады деген маалымат пайда болгондо, Алтынбек Сулайманов экөөбүз штабга келген журналисттердин суроосуна жооп бердик. Жогорку Кеңешке бир нече партиялардын келишин кубаттап, бул шайлоолордо мурунку шайлоолорго салыштырмалуу административдик ресурс колдонулбаганын, акчанын бөлүштүрүлүшү мурдагы шайлоолорго караганда күч органдары тарабынан катуу көзөмөлгө алынганын белгиледик. Албетте, башка жолдор менен пара алууга аракет кылган партиялар болду. Бул биздин жеке интервьюбуз болду, партиянын атынан эмес».

Акаев саясий күчтөрдү добуштарды кол менен эсептөөгө катышууга чакырды.

«Ошондон бери биз эч кандай билдирүү жасаган жокпуз жана интервьюдан үзүндүнү эч кандай бурмалабоону суранам», – деп жазат депутаттыкка талапкер. – Интервьюдан кийин эле сайтта шектүү каталар чыга баштады. Мунун баары тез арада иликтенип, коомчулукка маалымат берилиши керек! Мен бардык саясий күчтөрдү добуштарды кол менен саноого активдүү катышууга чакырам. Ошондой эле БШКнын сайтындагы катаны так түшүндүрүүнү талап кылабыз! ”

Эске сала кетсек, жетинчи чакырылыштагы Жогорку Кеңештин депутаттарын шайлоо аяктады. Алдын ала жыйынтыктарды БШКнын сайтында жарыялоодо системада мүчүлүштүктөр болгон. Андан кийин жарыяланган жыйынтыктар баштапкысынан айырмаланып, партиялардын жана бир мандаттуу талапкерлердин нааразылыгын жаратты. Алардын баары БШКдан кол менен кайра саноону же шайлоону кайра өткөрүүнү талап кылышууда.

Жанар Акаев «Альянс» партиясына талапкерлигин койгон. Алдын ала маалыматтарга караганда, анын партиясы парламентке барат. Буга чейин Акаевдин шайлоо таза өткөнүн, мыйзам бузуулар болбогонун айткан интервьюсу интернетке тараган.

Leave A Reply

Your email address will not be published.

Яндекс.Метрика
koompress@yandex.ru