Жатаканадан өрт чыгып, 18 жаран жаракат алды

Ташкенттин Сергели районунда ун чыгарган «Узмилл» компаниясынын жатаканасында өрт чыкты. Бул тууралуу Өзбекстандын Өзгөчө кырдаалдар министрлиги билдирди.

Маалыматка ылайык, окуя 29-ноябрь күнү таңга маал болгон. Өрт чыккан маалда имаратта 43 жумушчу болгон, алардын 18и ар кандай деңгээлдеги күйүк менен ооруканага жеткирилген.

Куткаруучулар өрттү толугу менен өчүрүп бүтүшкөнүн билдирди.

Алдын ала маалыматтарга караганда, газ түтүгүндөгү мүчүлүштүктөрдөн улам имараттын ичи иске толуп, жарылуу болгон.

Окуянын чоо-жайын иликтөө үчүн Ташкент прокурорунун орун басарынын жетекчилиги алдында ыкчам-тергөө тобу түзүлдү.

Leave A Reply

Your email address will not be published.

Яндекс.Метрика
koompress@yandex.ru