Жоголгон тогуз жаштагы Сумаянын сөөгү табылды

Сузакта он күндөн бери дайыны чыкпай жаткан тогуз жаштагы Сумая Хосилжонованын сөөгү табылды.

Жалал-Абад облустук Ички иштер башкармалыгынын басма сөз кызматы билдиргендей, аны 27-ноябрда Арал айылынын аймагынан, Көгарт дарыясынын жээгинен табышкан. Сөөктү кыздын атасы тааныган.

Милиция териштирүүнү улантууда.

Облустук милициянын маалыматына ылайык, 2012-жылы туулган Сумая үйүнөн 18-ноябрь күнү саат 12:40 чамасында мектепке чыгып кеткен. Бирок ошол күнү окууга барган эмес. Сумаяны айрымдар маршруткага түшүп кеткенин көрүшкөн.

Leave A Reply

Your email address will not be published.

Яндекс.Метрика
koompress@yandex.ru