Жогорку Кеңештеги айым депутаттар форумунун кезектеги отуруму өттү

Күн мурун, 4-мартта Жогорку Кеңештеги айым депутаттар форумунун кезектеги отуруму өттү. Бул тууралуу Жогорку Кеңештин басма сөз кызматы билдирет.

Маалыматка ылайык, “Мамлекеттик саясатты калыптандыруудагы мамлекет менен бизнес-коомчулуктун ачык диалогу” темасында болуп өткөн иш-чарага аталган форумдун мүчөлөрү, Бишкек шаардык кеңешинин айым депутаттары жана бизнес-коомчулуктун өкүлдөрү катышты.

Отурум алкагында Жогорку Кеңештин, Бишкек шаардык кеңешинин айым депутаттары менен Кыргыз Республикасынын Жогорку Кеңешинин Төрагасынын алдындагы бизнести жана ишкердикти өнүктүрүү боюнча Кеңешке караган Бизнес ассоциацияларынын айым-жетекчилеринин альянсы ортосунда кызматташтык жана өз ара байланышуу тууралуу үч тараптуу Меморандумга кол коюу маселеси каралды.

Депутаттар бул жолугушуу бизнес чөйрөсүнө тиешелүү айрым маселелерди талкуулоого өбөлгө түзгөнүн белгилешип, мындан аркы кызматташтык үчүн да маанилүү роль ойнорун кошумчалашты.

Мындан сырткары, Жогорку Кеңештеги айым депутаттар форумунун атынан Кыргыз Республикасындагы саясий, экономикалык жана социалдык багытта зор ийгилик жаратып, аялдардын укугун жана мүмкүнчүлүктөрүн коргоо жаатында эмгектенип келе жаткан айрым айымдарга Ардак грамоталар тапшырылды.

Leave A Reply

Your email address will not be published.

Яндекс.Метрика
koompress@yandex.ru